លោក លឹម ស៊ុយគួង អគ្គនាយកក្រុមហ៊ុន KONFULON & JOKO Cambodia Myanma Thailand បានជួយឧបត្ថម្ភនូវ POWERbank ជាអំណោយសប្បុរិសធម៌ សម្រាប់ជាការរួមចំណែកដ៏សំខាន់ក្នុងកិច្ចការសង្គម

ខ្ញុំសូមថ្លែងអំណរគុណចំពោះបង លឹម ស៊ុយគួង អគ្គនាយកក្រុមហ៊ុន KONFULON & JOKO Cambodia Myanma Thailand ដែលបានជួយឧបត្ថម្ភនូវ POWERbank ជាអំណោយសប្បុរិសធម៌ សម្រាប់ជាការរួមចំណែកដ៏សំខាន់ក្នុងកិច្ចការសង្គម ក្រោមការដឹកនាំដ៏ឈ្លាសវៃនិងប៉ិនប្រសប់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ 

ខ្ញុំ ក្នុងនាម ថ្នាក់ដឹកនាំ និងមន្ត្រីរាជការនៃអង្គភាពព័ត៌មាននិងប្រតិកម្មរហ័ស សូមជូនពរលោកអគ្គនាយក ក្រុមគ្រួសារ បុគ្គលិក និងសហការីរបស់ក្រុមហ៊ុន រួមទាំងតំណាងចែកចាយ និងអ្នកប្រើប្រាស់ផលិតផល KONFULON & JOKO នៅទូទាំងប្រទេស និងនៅក្រៅប្រទេស សូមបានសមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ និងសូមទេវតាឆ្នាំថ្មី ប្រទានពរជ័យ សិរីសួស្តី ជ័យមង្គល វិបុលសុខ មហាប្រសើរគ្រប់ប្រការ ដល់លោកអគ្គនាយក និងក្រុមគ្រួសារ សូមបានសម្រេចជោគជ័យគ្រប់បំណងប្រាថ្នា។

សូមទទួលនូវការរាប់អានដ៏ជ្រាលជ្រៅពីខ្ញុំ ទិត សុធា រដ្ឋលេខាធិការទីស្តីការគណៈរដ្ឋមន្ត្រី ប្រធានអង្គភាពព័ត៌មាននិងប្រតិកម្មរហ័ស និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់ស្វាយ ខេត្តកំពង់ធំ !

រាជធានីភ្នំពេញ ថ្ងៃទី១ ខែមេសា ឆ្នាំ២០២៥