សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាស «ទិវាសន្តិភាពអន្តរជាតិ» ថ្ងៃទី២១ ខែកញ្ញា ឆ្នាំ២០២៦

សូមលោកអ្នកត្រៀមខ្លួនឱ្យរួចរាល់ដើម្បីចូលរួមទទួលយកបទពិសោធន៍ដ៏រំភើប និងស្ញប់ស្ញែងបំផុតចំពោះទេពកោសល្យស្នាដៃនៃបុព្វបុរសខ្មែរ នៅដើមសប្តាហ៍ខាងមុខ។ ព្រឹត្តិការណ៍ សមរាត្រី (Angkor Equinox) នារដូវវស្សាឆ្នាំ២០២៦ នឹងឈានចូលមកដល់នៅដើមសប្តាហ៍ក្រោយនេះ។ នេះជាបាតុភូតធម្មជាតិដ៏អស្ចារ្យដែលថ្ងៃនិងយប់មានរយៈពេលស្មើគ្នា ហើយជាពេលវេលាដែលពន្លឺព្រះអាទិត្យពណ៌មាស នឹងរះឡើងត្រង់ចំកំពូលកណ្ដាលនៃប្រាសាទអង្គរវត្តយ៉ាងល្អឯក។ ទិដ្ឋភាពដ៏អស្ចារ្យនេះ មិនត្រឹមតែជាសម្រស់ធម្មជាតិដ៏កម្របានឃើញប៉ុណ្ណោះទេ ប៉ុន្តែជាភស្តុតាងរស់បង្ហាញពីចំណេះដឹងផ្នែកតារាសាស្ត្រ គណិតវិទ្យា និងស្ថាបត្យកម្មដ៏កំពូលគ្មានពីររបស់ដូនតាខ្មែរក្នុងការកសាងប្រាសាទប្រវត្តិសាស្ត្រនេះឡើង។ សូមជូនព័ត៌មានសម្រាប់ការចូលរួមទស្សនា៖ សូមអញ្ជើញភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋខ្មែរទាំងអស់ រៀបចំដំណើរកម្សាន្តមកកាន់ទឹកដីប្រវត្តិសាស្ត្រខេត្តសៀមរាប ដើម្បីចូលរួមទស្សនា និងផ្តិតយករូបភាពអនុស្សាវរីយ៍ដ៏កម្រនេះដោយផ្ទាល់ភ្នែក។ សូមចំណាំ៖ ដើម្បីចូលរួមថែរក្សាកិត្តិយស និងតម្លៃបេតិកភណ្ឌពិភពលោក សូមភ្ញៀវទេសចរទាំងអស់មេត្តាស្លៀកពាក់ឱ្យបានត្រឹមត្រូវ និងគោរពតាម «ក្រមប្រតិបត្តិអង្គរ» […]

​ (ទីក្រុងប៉ារីស)៖ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់ បានអញ្ជើញចូលរួមជាអធិបតីនិងសាក្សីក្នុងពិធីចុះហត្ថលេខាលើលិខិតសម្តែងបំណងរវាងគណៈកម្មាធិការដឹកនាំការកែទម្រង់ច្បាប់ (គ.ក.ច.)ដោយឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្រ្តី និងជាអគ្គលេខាធិការ គ.ក.ច. និងទីចាត់ការនាយកដ្ឋានព័ត៌មានច្បាប់និងរដ្ឋបាល នៃសាធារណរដ្ឋបារាំង (DILA) ដោយលោកស្រី​ Véronique LEHIDEUXនាយិកា DILA  ដែលបានប្រព្រឹត្តទៅនៅទីចាត់ការ DILA ដែលជាស្ថាប័នចំណុះផ្ទាល់របស់នាយករដ្ឋមន្រ្តី នាទីក្រុងប៉ារីស សាធារណរដ្ឋបារាំង។ គោលបំណងនៃការចុះហត្ថលេខាលើលិខិតសម្តែងបំណងនេះ ដើម្បីបង្កើតកិច្ចសហប្រតិបត្តិការសំខាន់ៗរវាងស្ថាប័នទាំងពីរ ក៏ដូចជា ដើម្បីផ្លាស់ប្តូរបទពិសោធចែករំលែកចំណេះដឹង និងផ្តល់ជំនួយបច្ចេកទេស ក្នុងការរៀបចំទស្សនាទាន ការអភិវឌ្ឍ និងការដាក់ឱ្យដំណើរការនូវថ្នាលឌីជីថល (plateformes numérique)ដែលមានលក្ខណៈស្រដៀងគ្នានឹង Légifrance និង Vie Publique ព្រមទាំងការដាក់ឱ្យអនុវត្តនូវប្រព័ន្ធនវានុវត្តន៍ជំនួយដល់ការរៀបចំតាក់តែងច្បាប់ និងលិខិតបទដ្ឋានគតិយុត្ត ដែលមានលក្ខណៈប្រហាក់ប្រហែលគ្នានឹង ÉDILE របស់បារាំង។ ក្នុងប្រសាសន៍ថ្លែងក្នុងពិធីចុះហត្ថលេខានេះ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានថ្លែងអំណរគុណយ៉ាងជ្រាលជ្រៅចំពោះលោកស្រី Véronique LEHIDEUX នាយិកា DILA និងសហការី ដែលបានខិតខំប្រឹងប្រែង និងជំរុញការរៀបចំកិច្ចសហប្រតិបត្តិការរវាង DILA និង គ.ក.ច. រហូតឈានមកដល់ការចុះលិខិតសម្តែងបំណងនាពេលនេះ។ ឯកឧត្តមឧបនាយករដ្ឋមន្ត្រីប្រចាំការ បានមានប្រសាសន៍ថា ការចុះហត្ថលេខានាឱកាសនេះ គឺជាសក្ខីភាពមួយបង្ហាញអំពីចំណងមិត្តភាពដ៏យូរអង្វែង និងកិច្ចសហប្រតិបត្តិការដ៏រឹងមាំរវាងកម្ពុជានិងបារាំង ព្រមទាំងផ្តល់នូវការសិក្សារៀនសូត្រ និងការផ្លាស់ប្តូរចំណេះដឹងនិងបទពិសោធពីគ្នាទៅវិញទៅមក ព្រមទាំងរួមចំណែកពង្រឹងមូលដ្ឋានគ្រឹះសម្រាប់ការងារកែទម្រង់ ការលើកកម្ពស់គុណភាព និងការធ្វើទំនើបកម្មច្បាប់ តាមរយៈការប្រើប្រាស់ថ្នាលឌីជីថល […]

សេចក្ដីជូនដំណឹង ស្ដីពីលទ្ធផលនៃកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានអញ្ជើញជាអធិបតីក្នុងកិច្ចប្រជុំស្ដីពី “ការលើកកម្ពស់ឥរិយាបថ និងទំនាក់ទំនងការងារនៅកន្លែងធ្វើការ” នារសៀលថ្ងៃទី១៧ ខែកញ្ញា ឆ្នាំ២០២៦ នៅទីស្ដីការក្រសួង ដើម្បីលើកកម្ពស់ការយល់ដឹងពីការគ្រប់គ្រងប្រកបដោយប្រសិទ្ធភាព ការប្រាស្រ័យទាក់ទងដោយវិជ្ជាជីវៈ ការគោរពសេចក្ដីថ្លៃថ្នូរគ្នាទៅវិញទៅមក ការលើកកម្ពស់ផលិតភាពការងារ និងស្ថិរភាពការងារ ជូនដល់តំណាងសហគ្រាស ក្រុមហ៊ុន និងរោងចក្រជាង ៤០០នាក់ មកពីរោងចក្រចំនួន ២២០ នៅខេត្តកណ្តាល។ នាឱកាសនេះ ឯកឧត្តមរដ្ឋមន្ត្រីបានគូសបញ្ជាក់ពីសារៈសំខាន់នៃការកសាងបរិយាកាសការងារ ដោយចៀសវាងការប្រើពាក្យសម្ដី ឥរិយាបថ ឬសកម្មភាពមិនសមរម្យ ដែលអាចប៉ះពាល់ដល់សេចក្ដីថ្លៃថ្នូរ […]

(ទីក្រុងប៉ារីស)៖ នាថ្ងៃទី១៦​ ខែកញ្ញា ឆ្នាំ២០២៦ ឯកឧត្តម វង្សី វិស្សុតឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមប្រឹក្សាអ្នកច្បាប់ បានអញ្ជើញជួបពិភាក្សាការងារជាមួយឯកឧត្តម Laurent Panifous រដ្ឋមន្ត្រីក្រសួងទទួលបន្ទុកទំនាក់ទំនងជាមួយសភាបារាំង នៅទីស្តីការក្រសួងទទួលបន្ទុកទំនាក់ទំនងជាមួយសភា នាទីក្រុងប៉ារីស សាធារណរដ្ឋបារំាង។ ឯកឧត្តម Laurent Panifous បានលើកឡើងថា ទំនាក់ទំនងកម្ពុជា-បារាំងបានចាក់ឫសជ្រៅ និងមានលក្ខណៈជាប្រវត្តិសាស្រ្ត ហើយដំណើរទស្សនកិច្ចរបស់ឯកឧត្តមឧបនាយករដ្ឋមន្រ្តីប្រចាំការ និងគណៈប្រតិភូនាពេលនេះ គឺជាការផ្សារភ្ជាប់នូវទំនាក់ទំនងស្ថាប័ន រវាងក្រសួងទទួលបន្ទុកទំនាក់ទំនងជាមួយសភាបារាំង និងទីស្តីការគណៈរដ្ឋមន្រ្តីរបស់កម្ពុជា ដែលស្ថាប័នទាំងពីរនេះមានមុខងារសម្របសម្រួលការងារទំនាក់ទំនង ជាមួយស្ថាប័ននីតិប្បញ្ញត្តិដូចគ្នា។ ឯកឧត្តមរដ្ឋមន្រ្តី Laurent Panifous ក៏បានជម្រាបអំពីរចនាសម្ព័ន្ធ និងតួនាទីភារកិច្ច​របស់ក្រសួងទទួលបន្ទុកទំនាក់ទំនងជាមួយសភាបារាំងក៏ដូចជារបៀបរបបការងារ និងបទពិសោធក្នុងការសម្របសម្រួលការងារជាក់ស្តែង ស្របទៅតាមស្ថានភាពវិវត្តន៍នយោបាយផ្ទៃក្នុងប្រទេស និងគណបក្សនយោបាយរបស់បារាំង ក៏ដូចជាការងារពាក់ព័ន្ធនឹងការរៀបចំរបៀបវារៈជាមួយសភា លើការអនុម័តសេចក្តីព្រាងច្បាប់ដែលស្នើសុំដោយរដ្ឋាភិបាល និងការងារសំណួរ-ចម្លើយសភាផងដែរ។ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានសម្តែងនូវអំណរគុណចំពោះឯកឧត្តមរដ្ឋមន្រ្តី Laurent Panifous ដែលបានទទួលស្វាគមន៍យ៉ាងកក់ក្តៅចំពោះគណៈប្រតិភូកម្ពុជា។ ឯកឧត្តមឧបនាយករដ្ឋមន្ត្រីប្រចាំការបានបន្តថា ផ្នែកមួយនៃបេសកកម្មរបស់ទីស្តីការគណៈរដ្ឋមន្រ្តី​មានលក្ខណៈប្រហាក់ប្រហែលគ្នានឹងបេសកកម្មរបស់ក្រសួងទទួលបន្ទុកទំនាក់ទំនងជាមួយសភាបារាំង ពិសេសការសម្របសម្រួលការងាររវាងរដ្ឋាភិបាលនិងស្ថាប័ននីតិប្បញ្ញត្តិ។ ទីស្តីការគណៈរដ្ឋមន្រ្តីបានបំពេញមុខងារនេះ ក្នុងរាជរដ្ឋាភិបាលនីតិកាលទី៧ នៃរដ្ឋសភា បន្តពីអតីតក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក្នុងនីតិកាលមុនៗ។ដូចនេះ ការផ្លាស់ប្តូរ និងការចែករំលែកបទពិសោធនិងឧត្តមានុវត្តន៍ល្អៗពីក្រសួងទទួលបន្ទុកទំនាក់ទំនងជាមួយសភាបារាំង នឹងរួមចំណែកដល់ការពង្រឹងប្រសិទ្ធភាពការងារ និងទំនាក់ទំនងរវាងរាជរដ្ឋាភិបាលជាមួយស្ថាប័ននីតិប្បញ្ញតិ្ត ក៏ដូចជារវាងទីស្តីការគណៈរដ្ឋមន្រ្តីជាមួយនឹងក្រសួង ស្ថាប័ននានា ក្នុងក្របខណ្ឌនៃការងារនេះផងដែរ សម្រាប់ជាឧត្តមប្រយោជន៍ដល់ប្រទេសជាតិ និងប្រជាជន។   នៅក្នុងឱកាសនោះដែរ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត និងឯកឧត្តមរដ្ឋមន្រ្តី Laurent Panifous​ បានធ្វើការផ្លាស់ប្តូរមតិយោបល់ និងស្វែងយល់អំពីបទពិសោធល្អៗពីគ្នាទៅវិញទៅមក លើ​ការបំពេញមុខងារ និងរបៀបរបបការងាររបស់ស្ថាប័នទាំងពីរ ជាពិសេសពាក់ព័ន្ធនឹងវិធីសាស្រ្ត និងសិល្បៈក្នុងការសម្របសម្រួលជាមួយរដ្ឋសភា និងព្រឹទ្ធសភា នៅពេលដែលសេចក្តីព្រាងច្បាប់ស្ថិតក្នុងនីតិវិធីរបស់ស្ថាប័ននីតិប្បញ្ញតិ្ត ព្រមទាំងបញ្ហាប្រឈមនានានៅក្នុងការបំពេញមុខងាររបស់ខ្លួននាពេលកន្លងមក។ […]

កម្ពុជាតវ៉ាចំពោះការរំលោភបំពានជាបន្តបន្ទាប់របស់ថៃលើអធិបតេយ្យ និងបូរណភាពទឹកដីកម្ពុជា Cambodia Protests against Thailand’s Persistent Violations of Cambodian Sovereignty and Territorial Integrity

អនុក្រឹត្យ ស្តីពី ការបង្កើតគណៈកម្មាធិការដឹកនាំការអនុវត្តយុទ្ធសាស្ត្រជាតិអភិវឌ្ឍន៍សហគ្រាស ធុនមីក្រូ តូច និងមធ្យម