ក្រោមការដឹកនាំរបស់សម្តេចតេជោ ហ៊ុន សែន កម្ពុជាកំពុងមានការអភិវឌ្ឍន៍លើគ្រប់វិស័យ និងកំណើនសេដ្ឋកិច្ចខ្ពស់!
ខ្ញុំបាទសូមសម្តែងនូវសេចក្តីគោរព ស្រឡាញ់ និងដឹងគុណដ៏ជ្រាលជ្រៅស្មោះស្ម័គ្របំផុតចំពោះសម្តេចតេជោ ដែលសម្តេចបានតស៊ូ ពុះពារ លះបង់សព្វបែបយ៉ាង ដើម្បីបុព្វហេតុបំរើឧត្តមប្រយោជន៍ប្រទេសជាតិ និងប្រជាជនកម្ពុជាទាំងអស់គ្នា ជាពិសេស ឆន្ទៈមោះមុតរឹងដូចដែកថែបរបស់សម្តេចតេជោ ក្នុងកិច្ចការពារឯករាជ្យ បូរណភាពទឹកដី និងអធិបតេយ្យភាពជាតិ។
ការដណ្តើមបានសុខសន្តិភាព ជាការលំបាកបំផុត។ សន្តិភាពដែលកម្ពុជាមានក្នុងពេលបច្ចុប្បន្ននេះ មិនមែនបានមកដោយងាយៗ ឬធ្លាក់មកពីលើមេឃនោះទេ។
ក្រោមគោលនយោបាយដឹកនាំដ៏ត្រឹមត្រូវរបស់សម្តេចតេជោ ហ៊ុន សែន បាននាំឱ្យប្រទេសកម្ពុជា មាននូវឯករាជ អធិបតេយ្យភាព និងបូរណភាពទឹកដី ដែលធ្វេីអោយប្រជាជនកម្ពុជាទូទាំងប្រទេស បាននិងកំពុងរស់នៅក្នុងសុខសន្តិភាព សុខដុមរមនា សំបូរសប្បាយ និងពោរពេញទៅដោយមោទនភាព ចំពោះសមិទ្ធផលយ៉ាងច្រើនសន្ធឹកសន្ធាប់ ដែលសម្រេចបានក្នុងរយៈពេលកន្លងមកនេះ។ ឈរលើមូលដ្ឋាននៃសុខសន្តិភាព កម្ពុជាកំពុងមានការអភិវឌ្ឍន៍លើគ្រប់វិស័យ និងកំណើនសេដ្ឋកិច្ចខ្ពស់ ហើយជីវភាពរស់នៅរបស់ប្រជាជនកម្ពុជា កាន់តែមានភាពប្រសើរឡើងជាលំដាប់ ៕
