គណៈប្រតិភូកម្ពុជា ចូលរួមកិច្ចប្រជុំបិទទ្វារថ្ងៃទី៣ ជាមួយគណៈកម្មការផ្សះផ្សា និងភាគីថៃ នៅសិង្ហបុរី

សិង្ហបុរី៖ នាព្រឹកថ្ងៃទី១៦ ខែកញ្ញា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងនាមជាភ្នាក់ងារកម្ពុជា បានដឹកនាំគណៈប្រតិភូ និងក្រុមអ្នកច្បាប់កម្ពុជា ចូលរួមកិច្ចប្រជុំបិទទ្វារនាថ្ងៃទី៣ រវាងគណៈកម្មការផ្សះផ្សា ជាមួយភាគីកម្ពុជា និងថៃ។

កិច្ចប្រជុំដ៏មានសារៈសំខាន់នេះ ប្រព្រឹត្តទៅក្រោមការដឹកនាំរបស់លោកស្រី Katrina Cooper ប្រធានគណៈកម្មការផ្សះផ្សា នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដោយមានការសម្របសម្រួលពីតុលាការមជ្ឈត្តការអចិន្ត្រៃយ៍ ក្នុងនាមជាបញ្ជីការដ្ឋាន (Registry)៕

រូបថត៖ AKP / គល់ រ៉េននី)