សូមថ្វាយព្រះពរព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុត!
ក្នុងព្រះរាជពិធីបុណ្យចម្រើនព្រះជន្នគម្រប់ ៦៦ យាងចូល ៦៧ ព្រះវស្សារបស់
សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទូលព្រះបង្គំជាខ្ញុំព្រះករុណា និងក្រុមគ្រួសារ សូមព្រះបរមរាជានុញ្ញតក្រាបបង្គំទូលថ្វាយនូវព្រះរាជសព្ទសាធុការពរជ័យ បវរសួស្តី សិរីវឌ្ឍនា វិបុលសុខ មហាមង្គលដ៏ល្អប្រសើរថ្លៃថ្លាបំផុតថ្វាយព្រះករុណាជាអម្ចាស់ជីវិតលើត្បូង ជាទីសក្ការៈដ៏ខ្ពង់ខ្ពស់បំផុត។
ក្នុងឱកាសដ៏មហាជ័យមង្គលនេះ ទូលបង្គំជាខ្ញុំ សូមលំឱនកាយលើកអពា្ជលីប្រណម្យបួងសួងដល់គុណបុណ្យព្រះរតនត្រីយ៍ គុណកែវទាំងបី ព្រះពុទ្ធ ព្រះធម៌ ព្រះសង្ឃ ទេវតាឆ្នាំថ្មី ទេវតាថែររក្សាព្រះមហាស្វេតច្ឆត្រ ព្រមទាំងព្រះរាជតេជៈបារមីនៃអតីតព្រះមហាក្សត្រខ្មែរគ្រប់ព្រះអង្គ ជាពិសេសព្រះវិញ្ញាណក្ខន្ធព្រះបរមរតនកោដ្ឋ សូមតាមជួយបីបាច់ថែរក្សា អភិបាលប្រោះព្រំ ព្រះរាជសព្ទសាធុការពរជ័យថ្វាយព្រះករុណាជាអម្ចាស់ជីវិតលើត្បូងជាទីសក្ការៈ សូមទ្រង់បានប្រកបដោយព្រះរាជសុខភាពល្អបរិបូណ៍ ព្រះកាយពលមាំមួន ព្រះបញ្ញាញាណភ្លឺថ្លាព្រះជន្មាយុយឺនយូរដើម្បីបន្តព្រះរាជសកម្មភាពដ៏ឧត្តុងឧត្តមជូនជាតិមាតុភូមិអង្គរដ៏បវររុងរឿងនៃយើង ប្រកបដោយបទសពិធរាជធម៌ និងគង់ប្រថាប់នៅក្នុងព្រះបរមសិរីរាជសម្បត្តិជាម្លប់ដ៏ត្រជាក់ត្រជំ សុខដុមរមនាដល់ប្រជារាស្រ្តរបស់ព្រះអង្គយូរអង្វែងតរៀងទៅ។
ក្រាបបង្គំទូលថ្វាយ ពីទូលព្រះបង្គំ ខ្ញុំព្រះករុណា ទិត សុធា ទីប្រឹក្សារាជរដ្ឋាភិបាល អនុប្រធានប្រចាំការអង្គភាពព័ត៌មាន និងប្រតិកម្មរហ័ស និងជាអ្នកនាំពាក្យទីស្តីការគណៈរដ្ឋមន្ត្រី និងក្រុមគ្រួសារ
