ក្នុងអាណត្តិថ្មីនេះរាជរដ្ឋាភិបាលបានសម្រេចបង្កើនកញ្ចប់ថវិកា ១០០ លានដុល្លារអាមេរិក ដើម្បីជំរុញការរៀបចំចុះបញ្ជីដីធ្លីជូនប្រជាពលរដ្ឋឲ្យបានចប់៖

្រមុខរាជរដ្ឋាភិបាលកម្ពុជា សម្ដេចធិបតី ហ៊ុន ម៉ាណែត បានមានប្រសាសន៍ថា ដើមហេតុធំបំផុតនៃបញ្ហាវិវាទដីធ្លីនៅកម្ពុជា គឺភាពមិនច្បាស់លាស់នៅក្នុងការកំណត់កម្មសិទ្ធិដីធ្លី ហើយនៅក្នុងគោលបំណងកាត់បន្ថយនិងឈានទៅលុបបំបាត់នូវបញ្ហាវិវាទដីធ្លីនៅថ្ងៃអនាគត រាជរដ្ឋាភិបាលបាននិងកំពុងបន្តយកចិត្តទុកដាក់ខ្លាំងក្នុងការវាស់វែង ចុះបញ្ជីក្បាលដី និងចេញប័ណ្ណកម្មសិទ្ធិដីធីជូនប្រជាពលរដ្ឋ។